同胞几十亿银丧炒虫草,朱克伯格姊弟斗个你死

 祖国地大物博,除咗股票之外,仲有好多同胞钟意炒下名酒、中草药同茶叶等「另类商品」,之前盈盈都同大家讲到一个茅台空酒樽都可以有价有市,更何况有实际药用嘅虫草呢?

  今年青海虫草价格升到吓亲人,单单一年,一斤虫草价格就已经升咗成一万蚊人仔。有采草人士话,有啲大型药企,足足拎成几十亿人仔,走去青海「圈地」一批一批虫草咁买。今日鱼缸无咗近千点,搞到好多缸友都无晒心机,条气顶住顶住,小记嘅姊妹话,早知一早拎钱买番啲虫草,可能仲好搵过买股票,就算最尾无升价,至少都可以煲嚟食补下身呀。

  朱克伯格家姐自立门户

  要出名,要打响名堂,有时真喺兄妹都无情讲!即使唔系为咗分身家都好,商场上果然喺要斗餐饱。全球最大社交网站facebook始创人马克朱克伯格,其家姐兰迪宣布离巢后,原来另起炉灶,自立门户设立命名为RtoZ Media媒体公司,实行于传媒界大展拳脚!咁呢位网络精英再战江湖,岂不是同弟弟嚟个大格斗?实行「巾帼不让须眉」,要斗个你死我活,绝对不让弟弟响互联网世界中独大。正所谓,同行如敌国,但都唔一定要互相撕杀,良性战争而胜可能会更加风光!

版权声明:本文由发布,转载请注明出处。

永久连接:https://www.qhchongcao.cn/Html/chongcaodongtai/658568775280.html